Маладафронтавец Уладзімер Дзяватка, кандытат у дэпутаты па Багдановіцкай выбарчай акрузе горада Менску ад кааліцыі Новае Пакаленьне, зьняў сваю кандытатуру з-за ціску з боку КДБ на маці.

Супрацоўнікі КДБ спрабавалі запужаць Уладзіміра, заміналі удзельнічаць у выбарах, выклікалі на прафіляктычныя гутаркі да кіраўніцтва БНТУ, дзе маладафронтавец навучаецца.

Гэтым яны не спынілі хлопца, тады нашчадкі НКУС НКВД пачалі выкарыстоўваць ціск на бацькоў. Да маці Уладзімера Дзявяткі на працу заявіўся кэдэбэшнік, які запужваў яе, распавядаючы пра дзейнасьць Уладзімера, пагражаў адлічэньнем сына з унівэрсытэту і па гэтай прычыне спыненьнем атрыманьня сацыяльных выплатаў (пэнсіі) Уладзімеру ў сувязі са сьмерцю бацькі. Клапоцячыся пра маці, якой маладафронтавец дапамагае сацыяльнай пэнсіяй, Уладзімер Дзявятка прыняў цяжкае рашэньне спыніць свой удзел у г. зв. выбарах.

На жаль, дзякуючы рэпрэсіўнаму апарату, дэмакратычных кандытатаў з кожным днём застаецца ўсё менш.