Сябра Маладога Фронту Зьміцер Ясевіч, каторы ад кааліцыі Новае Пакаленьне балятуецца ў мясцовыя Саветы па выбарчай акрузе №3 Менску, атрымаў штраф за неаплочаныя падаткі са стыпэндыі.

Зьміцер Ясевіч навучыецца ў Эўрапейскім гуманітарным унівэрсытэце на 4 курсе факультуту “Паліталёгія”. Падаючы дакуманты для рэгістрацыі кандыдатам у мясцовыя Саветы Зьміцер Ясевіч у дэклярацыі аб прыбытках пазначыў наяўнасьць стыпэндыі. Падатковая інспэкцыя Заводзкага раёну Менску палічыла наяўнасьць стыпэндыі, неабкладзенай беларускім падаткам, злачынствам і прызначыла Зьмітру штраф у памеры 43 750 рублёў і паставіла перад абавязкам сплаціць 864 000 рублёў за атрыманыя за мяжою прыбыткі.

“Натуральна, такое галавацяпства ў дзяржаўных істытутах абурае. – Гаворыць Зьміцер Ясевіч. –Паводле заканадаўства стыпэндыя не абкладаецца падаткамі. Таму я пляную аспрэчваць рашэньне падатковай Заводзкага раёну ў вышэйшых інстанцыях”.