Насту Палажанку, намесьніцу старшыні Маладога Фронту, якая балатуецца па спісе моладзевай кааліцыі “Новае Пакаленьне”, не зарэгістравалі ў якасьці кандытата ў дэпутаты Менскага гарадзкога савета па Акадэмічнай выбарчай акрузе № 48.

Пра гэта прэс-службе МФ паведамілі сябры ініцыятыўнай групы Насты:
"Кажуць, адмовілі ў рэгістрацыі, бо знайшлі шэраг памылак. Тым не менш, несапраўднымі палічылі толькі дзевяць подпісаў, але кажуць пра 17% хібных падпісантаў. Ці ўсё добра з матэматыкаю ў спадарства з Першамайскай Адміністрацыі? Таксама яны зазначаюць на памылкі ў напісаньні датаў, нібыта ў шэрагах аркушох яны прапісаныя адной рукою - чаго дакладна ня можа быць, бо такія рэчы мы вельмі дакладна правяралі."

Падчас збору подпісаў у падтрымку кандыдатаў у дэпутаты мясцовых саветаў за Насту Палажанку, студэнтку Эўрапейскага Гуманітарнага факультэта, было сабрана каля двух соцень подпісаў, замест неабходных 150.

Наста Палажанка плянуе абскарджваць дзеяньні тэрытарыяльнай камісіі.